रुकुम । एक युवकले श्रीमतीलाई खुर्पाले हानी हत्या गरेका छन् । श्रीमतीको हत्याका अभियुक्त नविन खड्का पक्राउ परिसकेका छन् ।
२८ वर्षीय खड्काले २६ वर्षीया कमला बुढाथोकी खड्कालाई धारिलो हतियार खुर्पा प्रहार गरी हत्या गरेका थिए ।
मुसिकोट नगरपालिका-३ गोगनपानी बस्ने उनलाई श्रीमतीको हत्याको केही घन्टाभित्रै सोमबार पक्राउ गरिएको प्रहरीले जनाएको छ । खुर्पा प्रहार गर्दा कमलाको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालयबाट खटिएको प्रहरीले उनलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको जानकारी दिएको छ ।
