कास्की । अवैध लागूऔषध ब्राउनसुगर सहित प्रहरीले एक जनालाई पक्राउ गरेको छ । पक्राउ पर्नेमा पोखरा महानगरपालिका २६ कालिका चोक डेरा गरी बस्ने सोही महानगरपालिका १३ घर भएका राजेश कुँवर क्षेत्री रहेका छन् । उनलाई अवैध लागूऔषध ब्राउनसुगर जस्तो देखिने धुलो पदार्थ करिब आठ ग्राम १ सय ८० मिलीग्राम, सिम कार्ड सहितको मोबाइल एक थान सहित १७ भदौको राति प्रहरीले पक्राउ गरेको हो ।
विशेष सूचनाको आधारमा ईलाका प्रहरी कार्यालय शिशुवाबाट खटिएको प्रहरीले कुवँरको कोठा जाँच गर्ने क्रममा उक्त धुलो पदार्थ सहित फेला पारी पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको बताइको छ ।
