बलिउडकी विवादास्पद आइटम डान्सर राखी सावन्त अक्सर आफ्नो बयानका कारण चर्चामा छाउँछिन् । उनी फेरि एकपटक आफ्नो सामाजिक सञ्जालको पोष्टका साथ चर्चामा आएकी छिन् ।
राखीले उनको सामाजिक सञ्जालमा एक भिडियो पोस्ट मार्फत बिग बोस १३ मा देखा पर्ने बताएकी छिन् । फ्यान हरु लाइ सम्बोधन गर्दै भनिन कि बिग बोस १३ मा छप्पन चुरी गीतमा सलमानसंग प्रस्तुत हुन्छु र यो मेरो फ्यानहरुको लागि राम्रो खबर हो । सलमान खान लाई आफ्नो समर्थक बताउँदै धन्यवाद दिएकी छिन् ।
धेरै सिजनमा उनले सलमान खानसंग बिग बोसमा सहभागी भएकी थिइन् । यसपाली उनि छप्पन छुरी गीतमा सलमान खानसँंग देखिने भन्दै उत्साह जनाइन् । उनले चाडै रिहर्सल सुरु गर्ने र बिग बोसको उद्घाटन समारोहमा उक्त प्रदर्शन गर्ने बताइन् । उनले भनिन कि अब यो सलमान खान संगको गीत लाइ हिट हुन बाट कसैले पनि रोक्न सक्दैन । यो गित अकल्पनीय हुनेछ ।
यसअघि बीग बोस सीजन १ मा भाग लिएकी राखी सावंतले धेरै चर्चा कमाएकी थिइन् । कार्यक्रम पछि राखीको लोकप्रियतामा उल्लेखनीय वृद्धि भएको थियो । राखी धेरै जसो सिजनमा पाहुनाको रूपमा देखीएकी थिइन् ।
राखीले बेला बेलामा मनोरञ्जनको दुनियाँमा तरंग ल्याउँछिन् । उनले रामदेवको बारेमा कडा अभिव्यक्ति दिइन् । गोप्य विवाह देखि गर्भावस्थाको बारेमा चर्चा कमाइन् । विवाह गरेर केही समयमै पारपाचुके गरिन् ।
