काठमाडौं, २२ भदौ। नेपाल मजदूर किसान पार्टीका अध्यक्ष नारायणमान बिजुक्छेले समाजवाद स्थापनाका लागि पूँजीवादविरुद्ध लड्न मजदुरको एकता र सङ्गठन आवश्यक भएको बताएका छन् ।
नेपाल क्रान्तिकारी मजदूर सङ्घको पेशागत सङ्गठन नेपाल क्रान्तिकारी यातायात मजदूर सङ्घको पाँचाँै जिल्ला सम्मेलनको आज उद्घाटन गर्दै पुँजीवादी व्यवस्थाले कहिल्यै पनि मजदूर वर्गको हित नगर्ने बताए । मजदूरले आफ्नो पेशामा निपुणता हासिल गर्दै जनताको सेवा गर्ने भावनाले काम गर्नुपर्ने आँैल्याउँदै अध्यक्ष बिजुक्छेले समाजवादी देशमा मजदूर पनि बुद्धिजीवी हुने बताए । पैसाकै लागि मात्र काम गर्ने प्रवृत्ति सही नभएको भन्दै समाजवादी देशका मजदूरले देश निर्माणमा आफ्नो योगदान दिन अतिरिक्त श्रम गर्ने भावनाको विकास गरिने बताए।
