धादिङ, २६ भदौ । अवैध लागुऔषध चरेस सहित प्रहरीले एक जनालाई पक्राउ गरेको छ । पक्राउ पर्नेमा मकवानपुर थाहा नगरपालिका १२ बस्ने राम बहादुर वाइबा रहेका छन् । उनलाई लागूऔषध चरेश जस्तो देखिने खैरो पदार्थ करिब एक केजी सहित थाक्रे गाउँपालिका ७ हाप्सेचौरबाट २४ भदौको दिउँसो प्रहरीले पक्राउ गरेको हो ।
अस्थायी प्रहरी पोष्ट हाप्सेचौरबाट खटिएको प्रहरीले मकवानपुरबाट काठमाडौंतर्फ जाँदै गरेको बा.५ ख ७७१८ नम्बरको बस जाँच गर्ने क्रममा बसमा सवार उनलाई उक्त परिमाणको लागूऔषध सहित फेला पारी पक्राउ गरेको जनाएको छ ।
यस सम्बन्धमा थप अनुसन्धान गरिरहेको प्रहरीले बताएको छ ।
