काठमाडौं, २९ भदौ । कोठामा जुवातास खेलिरहेको अवस्थामा प्रहरीले एक महिला लगाएत अन्य चार जनालाई पक्राउ गरेको छ । काठमाडौं महानगरपालिका ६ महाङ्काल डेरा गरी बस्ने रसुवा गोसाईकुण्ड गाउँपालिका ३ की रिता राई तामाङको कोठामा जुवातास खेलिरहेका रिता लगायत ४ जनालाई २८ भदौको साँझ प्रहरीले पक्राउ गरेको हो ।
उनीहरुबाट नगद ६६ हजार १ सय ७० रुपैयाँ, ५ सय भारतीय रुपैयाँ र तीन बुक तास प्रहरीले बरामद गरेको गरेको छ । महानगरीय प्रहरी प्रभाग कपनबाट खटिएको प्रहरीले उनीहरुलाई पक्राउ गरेको जनाएको छ ।
यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
