कास्की, कोठामा जुवातास खेलिरहेको अवस्थामा प्रहरीले ६ जनालाई पक्राउ गरेको छ । पक्राउ पर्नेमा पोखरा महानगरपालिका ११ रानिपौवा डेरा गरी बस्ने मकवानपुर बाग्मती गाउँपालिका १ का बिष्णु राई रहेका छन् । राईको डेरामा जुवातास खेलिरहेका राई लगायत ६ जनालाई प्रहरीले २८ भदौको दिउँसो फेला पारी पक्राउ गरेको हो ।
उनीहरुको साथबाट नगद २४ हजार ८० रुपैयाँ र चार बुक तास सहित प्रहरीले पक्राउ गरेको जनाएको छ ।
यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
