तेलुगू फिल्म “साइरा नरसिम्हा रेड्डी” को ट्रेलर सार्वजनिक भएको छ । मल्टीस्टारर फिल्म यस वर्षकै बहुप्रतीक्षित फिल्ममा पर्छ । २ अक्टोबर गान्धी जयन्तीको अवसर पारेर फिल्म रिलिज हुने भएको छ । यो फिल्म ऐतिहासिक व्यक्तित्व “उइलावाडा नरसिम्हा रेड्डी” को जीवनीमा आधारित छ । सुरेन्दर रेड्डिले निर्देशन गरेका उक्त फिल्मको ट्रेलरमा देखाइएको ब्याकग्राउण्ड स्कोर, संवाद, कलाकारको भिन्न अवतार, उत्कृष्ट भिएफएक्सको मिश्रणले फिल्म निकै भव्य देखाइएको छ ।
फिल्ममा तेलुगु स्टार चिरञ्जीवी, बलिउड मेगा स्टार अमिताभ बच्चन, किचा सुदीप, विजय सेतुपति, जगपति बाबु, रवि किसन, नयनतारा, तमन्ना, निहारिकाजस्ता स्टार कलाकारको अभिनय रहेको छ । फिल्म तेलुगु, हिन्दी, तमिल, कन्नडा र मलायम गरी चार भाषामा रिलिज हुनेछ ।
२ अक्टोबरमा “साइरा नरसिम्हा रेड्डी” सँगै ऋतिक रोशन र टाइगर श्रोफ स्टारर फिल्म ‘वार’ पनि रिलिज हुँदैछ ।
हेर्नुहोस् भिडियोः
