रौतहट, १० असोज । ओछ्यानमा रिभल्वर राखेर सुत्ने एक व्यक्ति पक्राउ परेका छन् । पक्राउ पर्नेमा चन्द्रपुर नगरपालिका १ बागमती गैह्रीगाँउ बस्ने मणिराज श्रेष्ठलाई रिभल्वर एक थान र सोको गोली एक राउण्ड सहित ९ असोजको दिउँसो प्रहरीले पक्राउ गरेको हो ।
विशेष सूचनाको आधारमा ईलाका प्रहरी कार्यालय चपुरबाट खटीएको प्रहरीले उनको घरमा तलासी गर्दा उनी सुत्ने ओछ्यानमा रिभल्वर र गोलीसहित फेला पारी उनलाई पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको बताएको छ ।
