काठमाडौं, १३ असोज । तास खेलिरहेको अवस्थामा प्रहरीले विभिन्न स्थानबाट सत्र जनालाई पक्राउ गरेको छ । टोखा नगरपालिका १० सामाखुसीस्थित बल बहादुर भट्टचनको विशाल मल्टी स्पोट्स फुटसलको पहिलो तलामा तास खेलिरहेको अवस्थामा उनीहरुलाई पक्राउ गरेको हो । पक्राउ पर्नेमा काठमाडौं महानगरपालिका १५ स्वयम्भू बस्ने नुवाकोटका हाल स्वयम्भू बस्ने शिव गुरुङ लगायत १० जनालाई ११ असोजको साँझ प्रहरीले पक्राउ गरेको हो ।
विशेष सूचनाको आधारमा महानगरीय प्रहरी वृत्त महाराजगंजबाट खटिएको प्रहरीले उनीहरूलाई नगद १ लाख २३ हजार ७ सय रुपैयाँ र १२ बुक तास सहित फेला पारी पक्राउ गरेको जनाएको छ ।
यस्तै , काठमाडौं गोकर्णेश्वर नगरपालिका ८ अत्तरखेलस्थित टहराबाट जुवातास खेलिरहेको अवस्थामा सोही स्थान बस्ने काली शेर्पा लगायत सात जनालाई ११ असोजको साँझ प्रहरीले पक्राउ गरेको छ ।
विशेष सूचनाको आधारमा महानगरीय प्रहरी प्रभाग गोकर्णबाट खटिएको प्रहरीले उनीहरूलाई नगद ७३ हजार ६ सय १५ रुपैयाँ र तीन बुक तास सहित फेला पारी पक्राउ गरेको जनाएको छ ।
यस सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।
