बाँके, १३ असोज । एक किलो चाँदी सहित प्रहरीले दुई जनालाई पक्राउ गरेको छ । पक्राउ पर्नेमा भारत बहराईज जिल्ला बस्ने गुरुदेव प्रसाद चौहान र ओम प्रकाश चौहान रहेका छन् । डुडुवा गाउँपालिका ३ पिप्रहवास्थित सडकबाट उनीहरुलाई एक किलो चाँदी लगायत विभिन्न गरगहनासहित ११ असोजको बेलुका प्रहरीले पक्राउ गरेको हो ।
प्रहरी चौकी खडैचाबाट खटिएको प्रहरी गस्ती टोलीले जाँच गर्दा यूपी ४० आर ९८५३ नम्बरको मोटरसाइकल आएका उनीहरूले मोटरसाइकलको डिग्गीमा सेतो कपडाले बेरेर लुकाएको अवस्थामा उक्त गरगहनासहित फेला पारी पक्राउ गरेको जनाएको छ ।
यस सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।
