काठमाडौं, २५ असोज । राष्ट्रपति सी जिनपिङ सवार एयर चाइनाको विशेष विमान अवतरण गरेको निकैबेर पछि चिनियाँ अधिकारी ओर्लिए । चिनियाँ विदेशमन्त्रीसहितको अधिकारी ओर्लिएको केही समयपछि राष्ट्रपति विद्यादेवी भण्डारी विमानसम्म पुगिन् । उनको कारगेट विमान नजिकसम्म पुग्यो ।
राष्ट्रपति भण्डारी विमानको भर्याङ नै उक्लन खोजिन् । उनको साथमा छोरी उषाकिरण भण्डारी पनि थिइन् । भण्डारीलाई परराष्ट्रमन्त्री प्रदीप ज्ञवालीले रोकेर छेउमा बस्न भने ।
यत्तिकैमा दुईजना चिनियाँ अधिकारी निस्किए । उनीहरु झरेको केही समयपछि बल्ल चिनियाँ राष्ट्रपति सी देखापरे । उनी ओर्लिए । राष्ट्रपति भण्डारीले स्वागत गरी अगाडि बढाइन् ।
