काठमाडौं, १ कात्तिक । पूर्व युवराज पारस पछिल्लो समय युट्युबर सोनिका रोकायाको पासोमा परेपछि पूर्व राजा ज्ञानेन्द्रको परिवारमा खैलाबैला मच्चिएको छ । विभिन्न काण्डले बदनाम भएका पारस सोनिकासँगको सम्बन्धका कारण चर्चामा आएका छन् ।
सोनिकाका बारे पूर्व राजपरिवारमा नकारात्मक खबरहरु पुगेपछि पूर्व राजा ज्ञानेन्द्र चिन्तित बनेका हुन् । राजावादीहरुले समेत यसले पूर्व राजाप्रति बढ्दो समर्थनमा धक्का पुग्नेतर्फ सचेत गराएका छन् । पूर्व राजा निकट स्रोतले पारस महिलासँग जोडिंदा गलत सन्देश गएको जानारी दिएका छन् । यसप्रति पूर्व राजा शाह गम्भीर भएका छन् ।
पारस यसैपति उदण्डताका कारण बदनाम भएका छन् । उनीप्रति जनतामा नकारात्मक धारणा छ । उनको कारणले पूर्व राजा शाह देखि छोराछोरीहरुप्रति नकारात्मक धारणा बन्नसक्नेतर्फ ध्यानाकर्षण गराइएको छ । यसमा केही पूर्व राजानिकटस्थ नै लागेका छन् ।
पारसकी पत्नी पूर्व युवराज्ञी हिमानी शाह समाजसेवामा सक्रिय छिन् । उनी लोकप्रीय छिन् । छोरा हृदयन्द्रलाई साथ लिएर परोपकारी काम सिकाइरहेकी छिन् ।
पारसकी छोरी पूर्णिका शाह र किर्तिका शाह पनि परोपकारी काममा लागिसकेका छन् । किर्तिकाले जन्मदिन अनाथ बालबालिकासँग मनाइन् । पूर्णिका नेपाली साहित्य रुचाउँछिन् । पारसपत्नी हिमानी र छोराछोरीहरु लोकप्रीय भइरहँदा पारसको व्यवहारले उनीहरुलाई पनि असर पर्ने हो कि भनेर पूर्व राजा चिन्तित भएको बुझिएको छ ।
File Photo
