अभिनेत्री पूजा शर्माले अभिनेता आकाश श्रेष्ठ र आफ्नो प्रेम नभएको स्पष्टिकरण दिएकी छिन् । चलचित्र “पोइ पर्यो काले” को प्रचार–प्रसारमा पुगेकी पूजाले पत्रकार सम्मेलनमा आकाशसँग प्रेम सम्बन्ध नभएको खुलाएकी हुन् । उनले आकाश आफ्नो असल साथी रहेको दाबी पनि गरेकी छिन् ।
बजारमा पूजा र आकाशको प्रेमको चर्चा चलिरहेको बेला उनीहरु अभिनेत चलचित्र “पोइ पर्यो काले” ८ कात्तिकबाट देशव्यापी प्रदर्शनमा आउँदैछ । अहिले निर्माण टिम चलचित्रको प्रचार–प्रसारका लागि चितवन पुगेका छन् ।
शिशिर राणा निर्देशित चलचित्र कमेडी शैलीको सामाजिक कथावस्तुमा आधारित छ । निर्देशकले समाजमा मानिसको बाहिरी रुप मात्र हेरिने गलत प्रवृतिमाथि चलचित्र बनेको जनाएका छन् । यस चलचित्रबाट पूजा र आकाशले एक साथ फरक जनराको चलचित्रमा अभिनय गरेका छन् । चलचित्रमा पूजा र आकाशसँगै सौगात मल्ल, सृष्टि श्रेष्ठ, सोहित मानन्धर, सुरक्षा पन्तको पनि अभिनय छ । Photo Source: Filmykhabar
