काठमाडाैँ ,११ कार्तिक । हिन्दू समाजको दोस्रो ठूलो पर्व तिहार यतिबेला सबै नेपालीले रौनकताका साथ मनाइरहेका छन्। तिहारको दोस्रो दिन आइतबार लक्ष्मीपूजा पनि सम्पन्न गरेका छन् । दिपावली तिहार विश्वभरमा मनाइदै छ। विश्वभर रहेको नेपालीहरु तथा विभिन्न समाजहरु पनि यसमा रमाउदै गरेका छन् ।
यसगरी अमेरिकाका राष्ट्रपति डोनल्ड ट्रम्पले पनि ह्वाइट हाउसमा तिहार मनाएका छन्।समाजिक सञ्जाल ट्वीटरमा ट्वीट गर्दै उनले यस्तो जानकारी र शुभकामना समेत दिएका छन् । ट्रम्पले पत्नी मेलानियासँग ह्वाइट हाउसमा दियो बालेर सबैलाई शुभकामना दिइएका हुन्।
उनले भने,‘दीप प्रज्वलित गरेर आप्नो सम्बन्ध र संस्कृतिलाई झनै बलियो हुने कामना गर्दछु। यो दिपावलीले सबैको लागि खुशीयाली लिइएर आएको छ र म सबैलाई दिपावलीको शुभकामना दिन्छु।’ त्यस्तै उनले गत वर्ष पनि दिपावली मनाएका थिए।
