पाकिस्तानमा रेलमा भएको बिष्फोटको कारण लुकाएर लगिएको ग्याँस सिलिन्डर भएको प्रारम्भिक अनुसन्धानबाट पत्ता लागेको छ । बिहिबार विहान भएको घटनामा रेलको बग्गीभित्र खाना तयार गर्न लाग्दा बिष्फोट भएको हो ।
समाचार एजेन्सीहरुका अनुसार रेलमा ग्याँस सिलिन्डर निषेध गरिएपनि लुकाइछिपाई लाने गरिएको छ । तर, ग्याँस सिलिन्डर नै रेलमा पुर्याएर खाना पकाउन शुरु गरिएको घटनाले धेरैलाई आश्चर्यचकित पारेको छ ।
कराची देखि रावलपिन्डी जाने रेलमा भएको घटनामा तीनवटा बग्गीमा बढी क्षति पुगेको छ । गुडिरहेको रेलमा आगलागी भएपछि धेरैले रेलबाट फाल हालेर ज्यान जोगाए । घटनामा ६५ जनाको ज्यान गइसकेको जनाइएको छ ।
भिषण आगलागी हुँदा ६२ जनाको मृत्यु भएको छ । आगलागीमा दर्जनौं यात्रु घाइते भएक छन् । तेज गाम एक्सप्रेसमा आगलागी भएपछि पाकिस्तान सरकारले रेलको सुरक्षामा गम्भीर चासो व्यक्त गरेको छ ।
आगलागी भएको रेल लिकबाट बाहिर नगएको र आगलागी भएको एकघण्टाभित्र नै लियाकतपुर स्टेसनमा पुर्याइएको थियो ।
–एजेन्सी
तस्बिर स्रोतः सिन्ह्वा
