काठमाडौं, १५ कात्तिक । यो वर्षको तिहारमा सिस्नुपानी नेपालको देउसी भैलोमा नेतादेखि कर्मचारीसम्मको व्यंग्य हानिएको छ । काठमाडौंस्थित् नेपाल प्रज्ञा प्रतिष्ठानमा आयोजित उक्त कार्यक्रममा सिस्नु पानीले पत्रकार ऋषि धमलालाई समेत व्यंग्य हानेको थियो । चिनियाँ राष्ट्रपति सी जिन्पिङ बनेर प्रस्तुत भएका कलाकार मनोज गजुरेलले चिनियाँ भाषामै “मेरो नेपाल भ्रमणमा विश्व चकित छ, कि यत्रो भ्रमणमा कतैपनि ऋषि धमला देखिनुभएन्” भन्ने अभिव्यक्ति दिएका थिए । कार्यक्रममा सँगै रहेका अर्का कलाकार राजा राजेन्द्रले गजुरेलको चिनियाँ भाषा अनुवाद गर्दै यस्तो व्यंग्य कसेका थिए ।
प्रधानमन्त्री केपी शर्मा ओली, पूर्व प्रधानमन्त्री पुष्पकमल दाहाल, झलनाथ खनाल, बाबुराम भट्टराई, प्रधानन्यायाधिश चोलेन्द्र शमशेर जबरा, प्रधानसेनापति पूर्णचन्द्र थापा, मन्त्रीहरु, सांसदहरु, उद्योगी तथा व्यवसायीहरु र राजनीतिक दलका प्रभावशाली नेताहरु, कर्मचारीहरुको बाक्लो उपस्थिति रहेको कार्यक्रममा धमलाको चर्चा हुँदा हल हाँसोले गुन्जायमान भएको थियो ।
