काठमाण्डौ । सरकारले प्रदेश प्रमुख हटाउने निर्णय गरेसँगै विपक्षी दलहरुले विरोध जनाएका छन् । प्रमुख प्रतिपक्षी दलका नेताहरुले सरकार अधिनायकवादतर्फ अग्रसर भएको आरोप लगाएका छन् ।
कांग्रेसका वरिष्ठ नेता रामचन्द्र पौडेलले प्रदेश प्रमुख गरिमामय पद भएको उल्लेख गर्दै सरकारले एकलौटी ढंगले हटाउने सर्वसत्तावादतर्फ जाने प्रयास गरेको आरोप लगाएका छन् ।
फेसबुक पेजमा पौडेलले लेखेका छन्,–प्रदेश प्रमुख जस्तो गरिमामय पदलाई मनपरि ढंगले हटाउनु भनेको सरकार एकलौटी गरेर सर्वसत्तावाद तर्फ जाने कोशिस हो ।
प्रदेश प्रमुख जस्ताे गरिमामय पदलाई मनपरि ढंगले हटाउनु भनेकाे सरकार एकलाैटी गरेर सर्वसत्तावाद तर्फ जाने काेशिस हाे ।
त्यसैगरी प्रवक्ता विश्वप्रकाश शर्माले पनि सरकारको नियत गलत भएको आशंका व्यक्त गरेका छन् । सरकारले समयको प्राथमिकता एकातिर सरकारको कदम अर्कैतिर भएको भन्दै टुइटरमा प्रतिक्रिया व्यक्त गरेका छन् । त्यसैगरी उनले उपनिर्वाचनको आचारसंहिताको पनि हेक्का नगरिएको उल्लेख गरेका छन् । सहमतिको राजनीति थप बिथोल्ने प्रयत्नको रुपमा शर्माले टिप्प्णी गरेका छन् ।
नीति जरुरी उकालो चढ्न मति धकेल्दैछ ओह्रालो !
आजको निर्णय चार कारण गलत… १,समयको प्राथमिकता अर्कै,सरकारको ध्यान अर्कैतिर l २,जरुरी समिक्षा बेगरै पुर्वाग्रहपुर्ण निर्णय l ३,सहमतिको राजनीति थप बिथोल्ने यत्न l ४,निर्वाचन आचारसंहिताको नैतिक हेक्का राखिएन l …अर्थात कम्युनिस्ट सरकार !
मन्त्रिपरिषद्को सिफारिसमा राष्ट्रपति विद्यादेवी भण्डारीले आइतबार सातै प्रदेशका प्रदेश प्रमुखलाई पदमुक्त गरेकी थिइन् । प्रधानमन्त्रीको निवास बालुवाटारमा आइतबार बसेको बैठकले सबै प्रदेशका प्रमुखहरूलाई पदमुक्त गर्न राष्ट्रपति कार्यालयलाई सिफारिस गरेको थियो । यी सबै प्रदेश प्रमुखहरूलाई कांग्रेस सभापति शेरबहादुर देउवा नेतृत्व सरकारले नियुक्त गरेको थियो ।
