काठमाडौं, १८ कात्तिक । सत्तारुढ दल नेपाल कम्युृनिष्ट पार्टी (नेकपा) को सचिवालय बैठक सुरु भएको छ । आगामी मंसिर १४ गते हुने उपनिर्वाचनको लागि उम्मेद्धवार चयन गर्नेदेखि लिएर अन्य महत्वपूर्ण विषयमा छलफल गर्न सचिवालय बैठक सुरु भएको हो ।
प्रधानमन्त्रीको सरकारी निवास बालुवाटारमा जारी बैठकमा सचिवालयका सबै सदस्यहरुको सहभागिता रहेको छ। प्रधानमन्त्री ओली केही दिन यता अस्वस्थ छन् । मृगौलामा छिटो छिटो समस्या देखिएपछि ओलीले ग्राण्डी अस्पतालमा पुगेर दुई पटक डायलासिस गराईसकेका छन् । हिजोमात्रै उनले त्रिवी शिक्षण अस्पताल पुगेर छातीको एक्सरे गरेका थिए । उनको फोक्सोमा कुनै समस्या नरहेकोले हिजो डायलासिस गर्नु परेको थिएन ।
