प्रेमीले गाडेको अवस्थामा फेला परेकी एकजना युवतीको शवको अनुसन्धानपछि अदालतमा सुनुवाई हुँदा मृत्युको कारण ‘कडा सम्भोग’ भनिएको थियो । अभियुक्तले कडा सम्भोग गर्दा अकस्मात् मृत्यु भएको दाबी गरेपनि अदालतले दोषी ठहर गरेको छ ।
न्यूजिल्यान्डको अकल्यान्डस्थित एक होटलमा कडा सम्भोगपछि युनिभर्सिटीकी विद्यार्थी ग्रेस मिलानीको मृत्यु भएको प्रेमीको बयान थियो । प्रेमिकाको मृत्युपछि त्रसित भई युवकले सुटकेशमा राखेर गाडेको सुनुवाईका क्रममा भनेका थिए ।
तर, अकल्यान्डको अदालतले ती युवकलाई दोषी ठहर गर्यो । उनलाई कैद सजाय सुनाइएको छ । नाम गोप्य राखिएको युवकले हत्याको अभियोग अस्वीकार गरेपनि अकल्यान्डको अदालतका न्यायाधीशले दोषी ठहर गरे । युवकले सुनकेशमा राखेर शव गाड्नुले दाबी पुष्टि गर्ने आधार कमजोर भयो ।
अदालतमा सुनुवाईका क्रममा मृत्युको कारण हत्या नभई ुकडा सम्भोगु का क्रममा दुर्घटना भनिएको थियो । युवक र युवती दुवैले आक्रामक सम्भोग गरेका थिए र जोसका क्रममा युवतीको मृत्यु भएको दाबी गरिएको थियो । यस्तो घटना विरलै हुन्छ र असम्भव हुँदैन भनिएको थियो ।
अदालतमा मिलानीका साथीहरुसँग लिइएको बयानमा उनी पीडादायक आक्रामक सम्भोगमा चासो राख्ने बताइएको थियो । उनले त्यससँग सम्बन्धित एप्सहरु पनि चलाएको तथ्य वकिलले अदालतमा पेश गरेका थिए ।
यसअघि युवकले होटलबाट दुईवटा सुटकेश लगेको र एउटामा युवतीको शव लगेको खुलासा भएको थियो । युवती अर्को दिन २२ वर्ष पुग्दै थिइन् । जन्मदिनको अघिल्लो रात उनले आक्रामक तरिकाले सम्भोग गर्दा ज्यान गएको युवकको बयान र उनी पक्षको वकिलले प्रमाण पेश गरेका थिए । पुरुष २७ वर्षका थिए । अक्ल्यान्ड होटलमा दुवैबीच सहमतिमै कडा सम्भोग भएको भनिएको थियो ।-एजेन्सी
