काठमाडौं, मंसिर २२ । इटहरीमा रहेको बिग बार होटलमा आगलागी भएको छ। शनिबारराती भएको आगलागीबाट होटल पूर्ण रुपमा जलेर नष्ट भएको छ । कम्प्लेक्सको चौथो तलाबाट आगलागी सुरु भएको जनाइएको छ । आगलागी बिहानमात्रै पूर्ण नियन्त्रणमा आएको थियो ।
स्थानीय, नेपाल प्रहरी, नेपाली सेना र दमकल आगो निभाउन जुटेका थिए। विराटनगर, दमक, सप्तरी, धरान, दुहवी, महेन्द्रनगर, सुन्दरहरैचा र इटहरीको गरी ९ वटा दमकल प्रयोग गरी आगो नियन्त्रणमा लिइएको प्रहरीले जनाएको छ ।
आगलागीको कारण खुल्न सकेको छैन । अहिले क्षतिको विवरण अनुसन्धान भैरहेको प्रहरीले जानकारी दिएको छ ।
