बार्सिलोना, २० पुष । स्पेनिस ला लिगामा शनिबार भएको खेलमा रियल मड्रिड विजय भएको छ । उसले गेटाफेमाथि ३–० को जित निकालेको हो ।
शनिबारको खेल सकिएसँगै लिग लिडर बार्सिलोना र रियल मड्रिडको समान अंक भएको छ । लिगमा दुबै टोलीको समान ४०/४० अंक रहेको छ। बार्सिलोना गोल अन्तरका कारण शीर्ष स्थानमा रहँदा रियल मड्रिड दोश्रो स्थानमा छ।
रियलको यस जितमा राफायल भारानेले २ र लुका मोड्रिकले १ गोल गरे । भारानेले ३४ र ५३ औं मिनेटमा गोल गर्दै टोलीलाई अग्रता दिलाएका थिए भने मोड्रिकले खेलको अतिरिक्त समयको छैटौं मिनेटमा गोल गर्दै टोलीको जितलाई ३–० बनाएका थिए।
