काठमाडौं, १ माघ । प्रहरीले चरेशसहित बसका यात्रुलाई पक्राउ गरेको छ । चन्द्रागिरी नगरपालिका २ नागढुंगाबाट धादिङका २१ वर्षीय देवराज लामालाई चरेशसहित प्रहरीले पक्राउ गरेको छ ।
उनको साथबाट २ सय ५३ ग्राम गाँजा र चरेश ९ सय ५० ग्राम सहित बुधबार दिउँसो प्रहरीले पक्राउ गरेको हो । महानगरीय प्रहरी प्रभाग नागढुंगाबाट खटिएको प्रहरीले धादिङबाट काठमाडौंतर्फ आउँदै गरेको बा ३ ख ३००७ नम्बरको बस जाँच गर्ने क्रममा लामालाई उक्त लागूऔषध सहित फेला पारी पक्राउ गरेको भन्दै प्रहरीले थप अनुसन्धान गरिरहेको जनाएको छ ।
