काठमाडौं, १५ माघ । सभामुख निर्वाचनमा प्रकट गरिएको सदासयपश्चात नेपाली कांग्रेस अहिेले संवैधानिक अंग र विश्वविद्यालयका नियुक्तिहरुको भागबन्डामा सक्रिय भएको छ । भनिदैछ ‘निश्चित संख्या तोकेरै भाग लगाइयोस् ।’
सभामुख निर्वाचनको पुर्वसन्ध्यामा अर्थात् शनीबार बालुवाटारको छलफलका क्रममा कांग्रेस सभापति शेरबहादुर देउवाले त्रिवि बाहेक ६ विश्वविद्यालयका उपकुलपति नियुक्ति ‘मिलेर गर्नुपर्छ’ भन्ने अडान राखेपनि नाम किटेका भने छैेनन् । कहाँ के गर्न सकिन्छ , गृहकार्य गरेर फेरी बस्ने सहमतीमा शनीबारको बसाई टुंगिएको छ । सत्तारुढ नेकपाभित्र भएको सल्लाहअनुसार सामान्यतया ६ जना उपकुलपति काँग्रेसलाई दुई दिने बारे अबको छलफल चुलाइने छ । तर कुन विश्वविद्यालय भन्नेमा पहिला देउवाकै कुरा सुन्ने नेकपा स्रोत ले जनाएको छ । अनुमान छ –देउवाले सुदुरपश्चिम विशवविद्यालय नछोड्लान । यसबाहेक संवैधानिक परिषद्को बैठक बाट टुंगो लाग्नुपर्ने विभिन्न नियुक्तिमा काग्रेसले भाग खोजेको छ ।
संवैधानिक परिषदको बैठक उपसभामुख टुंगो लगाएपछि मात्रै बस्ने भएको अवस्था छ । उपसभामसुखमा काँग्रेस र राजपा दुवै दाबेदार हुन् । तर कसलाई दिने भन्ने टुंगोमा पुगेको छैन । राजपाले ३ मन्त्री भागमध्ये १ उपसभामुख र २ मन्त्रालय अनि १ राज्यमन्त्री पाउने संभावना रहेको बताइन्छ ।-जनआस्थाबाट
