मुम्बई, २९ माघ । महाशिवरात्रिको अवसरमा मुम्बईमा श्रीमद भागवत कथाको आयोजना हुने भएको छ । नयाँ मुम्बई महानगरपालिका शाखा ३१ र ३२ मा सेक्टर ७ मा कथा बाचन हुने आयोजकले जानकारी दिएको छ ।
नेपाली, संस्कृत, अंग्रेजी र हिन्दी गरि चार भाषामा कथा भन्दै आइरहेकी अन्तर्राष्ट्रिय प्रख्यात भागवत कथा वाचिका तथा माया घर नेपालकी अध्यक्ष भागवत मञ्जरी राधिका दासीबाट दिब्य भक्ति रसमय प्रवचन हुने बताइएको छ ।
कथामा नेपालबाट प्रमुख आतिथिको रुपमा विश्व हिन्दु महासंघ अन्तर्गतको ऊँकार महाअभियानका प्रमुख संयोजक श्री निक्ष शम्सेर राणासहित अन्य ३० सदस्यीय टोलीको उपस्थिति रहने छ । कार्यक्रमा वृन्दावनबाट विश्व हिन्दु युवा संघ भारतका राष्ट्रिय अध्यक्ष शन्त श्री नवल बिहारी शरण जी महाराजको उपस्थिति र आशिर्वचन रहने आयोजक संस्थाले जानकारी दिएको छ ।
साथै, नेपाल र भारतका शन्त महात्माहरुको दिब्य प्रवचन समेत हुने भएको । सो कार्यक्रम श्री शिवदत्त सेवाधाम सेवाधाम च्यारिटिएबल ट्रष्ट मुम्बईले आयोजना गरेको जानकारी ट्रष्टका अध्यक्ष साधुजी महाराजले दिए ।
