एजेन्सी, १५ फागुन । साउदी अरबले इस्लामको पवित्र तीर्थस्थल मक्का मदिनामा विदेशीलाई प्रवेश रोकेको छ । साउदीमा लाखौं विदेशी वर्षभरी हज गर्न पुग्दछन् ।
कोरोना भाइरसको संक्रमण बढ्न नदिने साउदीले यस्तो कदम चालेको हो । साउदी अरेबियामा पनि कोरोना भाइरसका संक्रमित भेटिइसकेका छन् । साउदीले संक्रमण फैलिएका देशका नागरिकलाई पनि मक्का मदिनामा रोक लगाएको छ ।
विश्वभर झण्डै एक लाख मानिस कोरोना भाइरसबाट संक्रमित भएको तथ्यांक आइसकेको छ । झण्डै तीन हजार मानिसको ज्यान गइसकेको छ ।
