काठमाडौं, १९ फागुन । भारतीय प्रधानमन्त्री नरेन्द्र मोदीले नेपालका प्रधानमन्त्री केपी शर्मा ओलीलाई मिर्गौला प्रत्यारोपणको लागि हुने शल्यक्रियाको सफलता र श्रिघ स्वास्थ्यलाभको कामना गरेका छन् । आज एक ट्विट गर्दै उनले यस्तो लेखेका हुन् । उनले पशुपतिनाथसँग आफूले प्रधानमन्त्री ओलीको सु–स्वास्थ्य, खुशी र दिर्घायुको लागि कामना गरेका छन् । त्यस्तै, उनले नेपाल–भारत द्धिपक्षीय सम्बन्धलाई अझै उचाईमा पुर्याउनको लागि निरन्तर योगदानको अपेक्षासमेत गरेका छन् ।
यता, प्रधानमन्त्री ओलीले भारतका समकक्षी मोदीलाई ट्विटमार्फत गरेको शीघ्र स्वास्थ्यलाभको कामनाका लागि धन्यवाद भन्दै जवाफ दिएका छन् । सोमवार दिउँसो ट्विटमार्फत नै भारतका प्रधानमन्त्री मोदीलाई धन्यवाद भन्दै प्रधानमन्त्री ओलीले लेखेका छन्,‘मेरो सफल शल्यक्रिया र शीघ्र स्वास्थ्यलाभको कामनाका लागि धन्यवाद प्रिय प्रधानमन्त्री मोदीजी १’ ओलीले अगाडि लेखेका छन्, ‘तपाईंले व्यक्त गर्नुभएको न्यानो शब्दले हाम्रो नजिकको मित्रतालाई प्रतिबिम्बित गरेको छ ।’ file photo
