रुपन्देही, १९ फागुन । आफ्नै होटलमा जुवातास खेलिरहेको अवस्थामा होटल संचालकसहित दश जनालाई आइतबार राती प्रहरीले पक्राउ गरेको छ । गैँडहवा गाउँपालिका गुलरीया चोकस्थित न्यू भिजन होटेलमा जुवातास खेलिरहेको अवस्थामा सोही होटेलका संचालक प्रबिन थापा समेतलाई दश जनालाई प्रहरीले पक्राउ गरेको छ ।
उक्त होटेलमा जुवातास खेलिरहेको भन्ने सूचनाको आधारमा जिल्ला प्रहरी कार्यालय रुपन्देहीबाट खटिएको प्रहरीले उनीहरुलाई पक्राउ गरेको हो । उनीहरुको साथबाट नगद एक लाख नौ हजार तीन सय ४५ रुपैयाँ, भारतीय रुपैयाँ बाँइस हजार ९५, दश थान मोबाइल, चार मोटरसाइकल र एक अटो रिक्सा समेत प्रहरीले बरामद गरेको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
