काठमाडौं, २५ फागुन । स्पेनिश जाईन्ट बार्सिलोना ला लिगाको शीर्ष स्थानमा उक्लिएको छ । शनिबार भएको खेलमा रियल सोसिडालाई १-० ले हराउँदै बार्सिलोना लिगको शीर्ष स्थानमा उक्लिएको हो । बार्सिलोनाको जीतको लागि कप्तान लियोनल मेस्सीले पेनाल्टीमार्फत गोल गरेका थिए । खेलमा बार्सिलोनाले गोल गर्ने धेरै अवसर खेर फालेको थियो ।
मेस्सीले ८१ मिनेटमा गोल गरेका थिए । खेलमा बार्सिलोनाको पकड रहेपनि उसले गोल गर्ने अवसर भने खेर फालेको थियो । यो जीतसँगै बार्सिलोनाको ५८ अंक पुगेको छ । एक खेल कम खेलेको रियल मडिडको भने ५६ अंक छ ।
