काठमाडौं, ३ चैत्र । कोरोना भाइरसको संक्रमण हुन नदिन साझा यातायातको हरेक बसहरुमा स्यानिटाइज गर्न थालिएको छ । साझा यातायातका अनुसार हरेक बसमा स्यानिटाइज गर्न स्प्रे गर्न थालिएको हो ।
साझाले हरेक बसमा स्प्रे गरेपछि मात्र सेवा दिन अनुमति दिने गरेको जनाएको छ । साझा यातायातले भनेको छ, हरेक बसहरुमा यात्रुहरुको सुरक्षालाई प्राथमिकतामा राख्दै स्यानिटाइज गर्न स्प्रे छरेर मात्र आफ्नो रुटमा यात्रुहरुलाई सेवा दिन निस्कने गर्दछ ।
विश्वभर कोरोना भाइरसको जोखिम बढेपछि नेपालमा सुरक्षाका विभिन्न उपाय अबलम्बन गरिदै गर्दा साझाले स्प्रे शुरु गरेको हो ।
