एजेन्सी, ६ चैत्र । अमेरिकामा कोरोना भाइरस तिव्र गतिमा फैलिएको छ । पछिल्लो २४ घन्टामा त्यहाँ २७ सय नयाँ संक्रमित भेटिएका छन् ।
सीएनएनका अनुसार पछिल्लो २४ घन्टामा २७६० संक्रमित भेटिएका हुन् । यसअघि अमेरिकामा ६१३८ संक्रमित रहेको र ११२ जनाको मृत्यु भएको तथ्यांक थियो । बिहिबारसम्म ८८९८ संक्रमित संख्या पुगेको छ भने १४९ जनाको मृत्यु भइसकेको छ ।
एक हप्ताअघि १२ मार्चमा अमेकिरामा १२७४ संक्रमित थिए भने ३४ जनाको कोरोना भाइरसबाट मृत्यु भएको थियो । दुई हप्ता अघि मात्र १६१ जना संक्रमित र ११ जनाको मृत्यु भएको थियो । दुई हप्तामा आठ हजार संक्रमित बढेपछि त्यहाँ त्रास उत्पन्न भएको छ ।
