काठमाडौं, ७ चैत्र । प्रधानमन्त्री केपी शर्मा ओलीले चैत्र ९ देखि नेपाल भित्रने यात्रुवाहक विमानलाई निषेध गरिने बताएका छन् । उनले आज राष्ट्रका नाममा सम्बोधन गर्दै यस्तो जानकारी गराएका हुन् ।
प्रधानमन्त्री ओलीले १० चैत्रबाट लामो दुरीको यात्रुवाहक बस निषेध गरिने समेत जानकारी गराएका छन् । प्रधानमन्त्री ओलीले भ्रम र अफवाहमा नपर्न आग्रह गरेका छन् । कोरोना भाइरसको संक्रमणबारे भ्रम र अफवाह फैलिएको अवस्थामा प्रधानमन्त्रीको पछिल्लो भनाई आएको हो । उनले भने, ‘भ्रम र अफवाहमा नपर्नुहोस् ।’
