एजेन्सी, १३ चैत्र । दक्षिण एशियामा कोरोना भाइरसको संक्रमितको संख्या बढिरहेको छ । सबैभन्दा बढी पाकिस्तानमा संक्रमितको संख्या रहेको छ । पाकिस्तानमा पछिल्लो तथ्यांक अनुसार ११०२ जनालाई संक्रमण भइसकेको छ । त्यहाँ आठ जनाको मृत्यु भएको छ ।
भारतमा कोरोना भाइरस संक्रमितको संख्या बढेर ६७८ पुगेको छ । बिहिबारको नयाँ तथ्यांक अनुसार एकै दिनमा एकसय भन्दा बढी संक्रमित थपिएका हुन् । भारतमा कोरोना भाइरसबाट संक्रमित र मृत्यु हुनेको संख्या बढेपछि २१ दिन लकडाउन गरिएको छ ।
श्रीलंकामा १०२ जना संक्रमित भइसकेका छन् । अफगानिस्तानमा ८४, बँगलादेशमा ३९, मालदिभ्समा १३, नेपालमा ३ र भुटानमा २ जना संक्रमित भएका छन् ।
