मकवानपुर, २३ चैत्र । अवैध लागूऔषध गाँजा सहित अर्पण घलानलाई शनिबार दिउँसो प्रहरीले पक्राउ गरेको छ ।
राक्सिराङ गाउँपालिका सानोभाबरका घलानलाई ५ केजी अवैध लागूऔषध गाँजा सहिते पक्राउ गरेको हो । ईलाका प्रहरी कार्यालय मनहरीबाट खटिएको प्रहरीले मनहरी गाउँपालिका जयसिङस्थित सडकमा ना.२ ह ६०५१ नम्बरको अटो जाँच गर्ने क्रममा चालक घलानलाई उक्त लागूऔषध सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
