मकवानपुर, ३० चैत्र । कुटपिट गरी हत्या गरेको अभियोगमा प्रदिप डिम्दुङलाई शनिबार राति प्रहरीले पक्राउ गरेको छ । कुटपिट गरी छिमेकीको हत्या गरेको अभियोगमा ईन्द्रसरोवर गाउँपालिकाका डिम्दुङलाई पक्राउ गरेको हो ।
लेनदेनको विषयलाई लिएर प्रदिप र भक्त बहादुर गोलेको समूहले कुटपिट गर्दा गम्भीर घाइते भएका सोही ठाँउका जितबहादुर पाख्रीनको ललितपुरस्थित स्टार अस्पतालमा उपचारको क्रममा मृत्यु भएपछि प्रदिपलाई प्रहरीले पक्राउ गरेको हो ।
कुटपिटमा संलग्न अन्य व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको जनाएको छ ।
