काठमाडौं, बैशाख २ । मंगलबार देशका अधिकांश भागमा आंशिकदेखि सामान्य बदली हुने देखिएको छ । जल तथा मौसम पूर्वानुमान महाशाखाका अनुसार पश्चिमी वायुको प्रभावका कारण देशको मौसममा बदली आएको छ ।
आज पश्चिमी पहाडी भू–भाग तथा पूर्वी क्षेत्रको मौसममा आंशिक देखि सामान्य बदली रहने महाशाखाले जनाएको छ। साथै, हावाहुरी, मेघगर्जन र चट्याङ्गसहित वर्षाको संम्भावना रहेको समेत जनाइएको छ ।
राति पहाडी भू–भागमा आंशिकदेखि सामान्य बदली रही बाँकी क्षेत्रको मौसम आंशिक बदली हुने जनाइएको छ।
मध्य र पश्चिम पहाडीका थोरै स्थान तथा पूर्वका एक–दुई स्थानमा मेघगर्जन र चट्याङ्ग तथा हावाहुरीसहित वर्षाको सम्भावना रहेको मौसमविदको भनाई छ ।
