१३१औं अन्तर्राष्ट्रिय श्रमिक दिवस, काठमाडौंमा यस्तो देखियो (फोटोफिचर)

काठमाडौं, १९ बैशाख । कोभिड–१९ को कारण एक सय ३१ औँ अन्तर्राष्ट्रिय श्रमिक दिवस पनि प्रभावित भएको छ । कोरोनाको सङ्क्रमण फैलने सम्भावना रहेको भन्दै सरकारले लकडाउन गरेसँगै यस वर्ष श्रमिक दिवसका अवसरमा नेपालमा क्रियाशील ट्रेड युनियनले कुनै पनि औपचारिक कार्यक्रम राखेका छैनन् ।

औपचारिक कार्यक्रम नराखिए पनि श्रमिक दिवसको सन्दर्भ पारेर संयुक्त ट्रेड युनियन समन्वय केन्द्र (जेटीयूसीसी)ले कोरोनाको कारण श्रमिकले भोग्दै आएका साझा समस्या सम्बोधन गर्न सरोकारवालाको ध्यानाकर्षण गराउँदै मनाएको छ । नेपाल ट्रेड युनियन कांग्रेसले पनि श्रमिकका समस्या समाधान गर्न दबाब दिने उद्देश्यले देशभरका एकाइमार्फत सरकारलाई पत्राचार गरेको छ । यही दिवसको अवसर पारेर हाम्रा सहकर्मी मुकुन्द कालिकोटेले आजको दिन काठमाडौं उपत्यकामा श्रमिकको अवस्था नियाँलेका छन् ।

Photo By: Mukunda Kalikote/ReportersNepal