काठमाडौं, २० बैशाख । नेपाल कम्युनिष्ट पार्टी (नेकपा) को सचिवालय बैठक सम्पन्न भएको छ । आजको बैठकमा यसअघि आफूलाई पार्टीको तेस्रो अध्यक्ष बन्न प्रधानमन्त्री तथा पार्टी अध्यक्ष केपी शर्मा ओलीले गरेको प्रस्ताव बरिष्ठ नेता माधव कुमार नेपालले अस्विकार गरिदिएका छन् ।
नेता नेपालले आफू अध्यक्ष नबन्ने भन्दै उक्त प्रस्तावको च्याप्टर नै क्लोज गरिदिएको नेपालनिकट एक नेताले जानकारी दिए । आफू विधि र विधानको पक्षमा उभिने नेता भएकोले अहिले पदको लागि मरिहत्ते नगर्ने उनको तर्क थियो । गत बुधबारको सचिवालय बैठकमा अध्यक्ष ओलीले नेता नेपालको मानमर्दन भएको भन्दै तेस्रो वरियताको अध्यक्ष बनाउन प्रस्ताव गरेका थिए ।
