मोरङ, २३ वैशाख । रड प्रहार गरी घाइते बनाएको अभियोगमा मनु लिम्बुलाई सोमबार दिउँसो प्रहरीले पक्राउ गरेको छ । आफ्नै भिनाजु नाता पर्नेलाई रड प्रहार गरी घाइते बनाएको अभियोगमा बेलबारी नगरपालिकाकी लिम्बु पक्राउ परेकी हुन् ।
घरायसी विवादको क्रममा मनुले आफ्नै भिनाजु नाता पर्ने पुरुषलाई फलामको रड प्रहार गर्दा घाइते भएको भन्ने खबर प्राप्त हुनासाथ खटिएको स्थानीय प्रहरीले लिम्बुलाई पक्राउ गरेको हो । घाइतेलाई उपचारको लागि न्यूरो अस्पताल विराटनगरतर्फ पठाइएको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
