काठमाडौं, ३० वैशाख । जबरजस्ती करणी गरेको अभियोगमागणेश सिंह लोत्थ्याललाई सोमबार दिउँसो प्रहरीले पक्राउ गरेको छ । दार्चुलामा १६ वर्षीया किशोरीलाई जबरजस्ती करणी गरेको अभियोगमा दुहु गाउँपालिकाका लोत्थ्याललाई पक्राउ गरेको हो । लोत्थ्यालले ती किशोरीलाई व्यास नगरपालिकाको एक विद्यालयको कम्पाउण्डमा लगी जबरजस्ती करणी गरेको भन्ने खबर प्राप्त हुनासाथ प्रहरी चौकी सुनसेराबाट खटिएको प्रहरीले उनलाई पक्राउ गरेको हो ।
त्यस्तै सिरहामा १० बर्षीया बालिकालाई जबरजस्ती करणी गरेको अभियोगमा लहान नगरपालिकाका कैलाश गोसाइ सोमबार दिउँसो पक्राउ परेका छन् । ती बालिकालाई जबरजस्ती करणी गरको भन्ने खबर प्राप्त हुनासाथ ईलाका प्रहरी कार्यालय लहानबाट खटिएको प्रहरीले गोसाईलाई पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
