काठमाडौँ ३१ वैशाख : शेयर बजार मापक नेप्से सूचक २ प्रतिशतले घटेपछि बुधबार पनि बजार खुलेको ४५ मिनेट नबित्दै बन्द भएको छ। बजार खुलेदेखिनै निरन्तर ओरालो लागेको नेप्से सूचक २ प्रतिशतभन्दा धेरैले घटेपछि बजार बन्द भएको हो।
अघिल्लो दिन मंगलबार पनि करिब डेढ घण्टामा नेप्से सूचक २ प्रतिशतभन्दा धेरैले घटेपछि बजार बन्द गरीएको थियो। ४९ दिनपछि मंगलबारबाट खुलेको बजारमा हरेक दिन उच्च दरले घटेको छ।
लकडाउनको समयमा दैनिक २ घण्टा बजार खोल्ने भनिएपनि २ घण्टा नपुग्दै नेगेटिभ सर्किट लागेपछि बजार बन्द भएको हो। नेप्सेले लकडाउन अवधिभर खुल्ने बजारमा नेप्से सूचक २ प्रतिशतभन्दा धेरैले घटेमा सो दिनको लागि शेयर बजार बन्द गर्ने नयाँ व्यवस्था गरेको छ। सोहि अनुसार बजार बन्द भएको हो।
यस अवधिका ३६ लाख रुपैयाँ बराबरको शेयर कारोबार भएको छ जसमा कुनै पनि कम्पनीको शेयरमूल्य बढेको छैन।
यस दिन नेप्से सूचक २४.५८ अंक अर्थात २.०१ प्रतिशतले घटेर १२०१.५७ विन्दुमा झरेको छ। अघिल्लो दिन पनि नेप्से २५ अंकले घटेको थियो। मेरोलागानी
