काठमाडौं, ३१ वैशाख । थप २४ जनामा कोरोना संक्रमण देखिएको छ । यो संगै नेपालमा संक्रमितको संख्या २४३ पुगेको छ । स्वास्थ्य तथा जनसंख्या मन्त्रालयले आज बेलुका ७ः५० बजे गरेको नयाँ अपडेटअनुसार थप २४ जनामा कोरोनाको संक्रमण देखिएको हो । मन्त्रालयका अनुसार रुपन्देहीका ९ जना पुरुष र तीन जना महिला, कपिलवस्तुमा ८ जना पुरुषमा, पर्साका दुई जना पुरुष र एक जना महिला, र नवलपरासीका ३६ वर्षीय एक जना पुरुषमा पनि कोरोना देखिएको हो । मन्त्रालयका सहप्रवक्ता डा समिरकुमार अधिकारीले जनाएअनुसार नयाँ संक्रमित २४ जनाकै स्वास्थ्य अवस्था सामान्य रहेको र उनीहरु चिकित्सकको सम्पर्कमा रहेका छन् ।
