सर्लाही, ४ जेठ । पेस्तोल तथा गोली सहित दुई जना २ जना शनिबार दिउँसो पक्राउ परेका छन् । बिष्णु गाउँपालिका बिश्वनाथ टोलस्थित बाँसघारीबाट पेस्तोल २ थान, गोली ६ राउण्ड र म्यागजिन १ थान सहित २ जनालाई प्रहरीले पक्राउ गरेको हो ।
पक्राउ पर्नेहरुमा सोही गाउँपालिकाका मदन साह कानु र भारतको सितामढीका अनिष साह रहेका छन् । सोही ठाउँस्थित बीआर ३० एम. ६७८७ नम्बरको मोटरसाइकल सहित अपरिचित व्यक्तिहरु लुकिछिपी बसेको भन्ने खबर प्राप्त हुनासाथ २ नम्बर प्रदेश प्रहरी कार्यालय सर्लाही जनकपुर र जिल्ला प्रहरी कार्यालयबाट खटिएको प्रहरीले उक्त हतियार र मोटरसाइकल सहित उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
