चितवन, ७ जेठ । धारिलो हतियार प्रहार गरी घाइते बनाएको अभियोगमा पूर्ण प्रसाद ढकाल मंगलबार राति पक्राउ परेका छन् । आफ्नै श्रीमतीलाई धारिलो हतियार प्रहार गरी घाइते बनाएको अभियोगमा रत्ननगर नगरपालिका माधवपुरका ढकाललाई प्रहरीले पक्राउ गरेको हो ।
घरायसी बिवादको कारण उनले आफ्नै श्रीमतीलाई धारिलो हतियार प्रहार गर्दा घाइते भएको भन्ने खबर प्राप्त हुनासाथ ईलाका प्रहरी कार्यालय टांडीबाट खटिएको प्रहरीले उनलाई पक्राउ गरेको हो । घाइतेको पुरानो मेडिकल कलेज भरतपुरमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको जनाएको छ ।
