काठमाडौं, ११ जेठ । लागूऔषध सहित प्रबिन कुमार मण्डल शनिबार साँझ पक्राउ परेका छन् । धनुषाका औरही गाउँपालिका हनुमान मन्दिर नजिकबाट सोही ठाउँ देउरी बस्ने मण्डललाई विभिन्न अवैध लागूऔषध सहित प्रहरीले पक्राउ गरेको हो । मण्डलको साथमा १ सय एमएलको कोरेक्स ३ बोतल, नाईट्रोजन २८ ट्याबलेट, स्पास्मो ५ ट्याब्लेट, नाईट्रोभेट २२ ट्याब्लेट र अवैध लागूऔषध गाँजा ५० ग्राम फेला पारी उनलाई ईलाका प्रहरी कार्यालय औरहीबाट प्रहरीले पक्राउ गरेको हो ।
त्यस्तै झापा बिर्तामोड नगरपालिका स्थित कृष्ण चित्रहल छेउबाट ब्राउन सुगर जस्तो देखिने पदार्थ ४ ग्राम सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरुमा सोही ठाउकाँ पवन चौधरी र महेश गुरुङ्ग रहेका छन् । जिल्ला प्रहरी कार्यालय झापा र ईलाका प्रहरी कार्यालय अनारमनीबाट खटिएको प्रहरीले जाँच गर्ने क्रममा उक्त लागूऔषध सहित उनीहरुलाई फेला पारेको हो ।
यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
