काठमाडौं, १२ जेठ । स्वास्थ्य तथा जनसंख्या मन्त्रालयकाअनुसार नेपालमा थप ७२ जनामा कोरोनाको संक्रमण देखिएको छ । आज विहान थपिएका ७२ संक्रमितसँगै कुल संक्रमितको संख्या ६ सय ७५ पुगेको छ। मन्त्रालयले आज विहान सबा दश बजे गरेको अपडेटअनुसार धनुषा, कपिलवस्तु, काठमाडौं, बारा, रौतहट, सप्तरी, बर्दिया, बाँके, दैलेखमा संक्रमण पुष्टि भएको हो। आज देखिएका संक्रमितमध्ये काठमाडौंका तीन जना रहेका छन् । उनीहरु टोखा नगरपालिका ३ र ६ का २७ र ४१ वर्षीय पुरुष र बुढानिलकण्ठ नगरपालिका ३ का ३७ वर्षीय पुरुष रहेका छन्।
