सुदूरपश्चिममा ८ दिनमा ८९७ संक्रमित थपिए

काठमाडौं, असार ९ । पछिल्लो ८ दिनमा मात्रै सुदूरपश्चिम प्रदेशमा कोरोना संक्रमितको सङख्या निकै बढेको छ। प्रेदशका नौ जिल्लामा असार १ गते यता मात्रै आठ सय ९७ जना संक्रमित थपिएका छन्।

जेठ ३२ गतेसम्म सुदूरपश्चिम प्रदेशमा संक्रमितको सङख्या दुई सय ६४ रहेकोमा असारको ८ दिनमा थप आठ सय ९७ जनामा संक्रमण पुष्टि भएसंगै संक्रमितको सङख्या बढेर एक हजार एक सय ६१ पुगेको छ।