अर्घाखाँची, ९ असार : पाँच दिनदेखि अवरुद्ध गोरुसिङ्गे–सन्धिखर्क सडक सञ्चालनमा आएको छ । शुक्रबार रातिदेखि अवरुद्ध रहेको सडक आज दिउँसो करिब ३ः३० बजेदेखि सञ्चालनमा आएको प्रमुख जिल्ला अधिकारी विजयराज पौडेलले जानकारी दिनुभयो ।
शनिबारदेखि सडक सञ्चालन गराउन दुई वटा डोजरले काम गरिरहे पनि पहिरो खस्ने क्रम नरोकिएपछि यातायातका साधन सञ्चालन हुन सकेका थिएनन् । सडक सञ्चालन भएपछि अहिले बाटोमा अलपत्र परेका सवारी र यात्रुहरु गन्तव्यमा जान थालेका छन् ।रासस/File photo
