काठमाडौं, १९ असार । खुकुरी प्रहार तथा कुटपिट गरी घाइते बनाएको अभियोगमा एकजना बिहीबार राति पक्राउ परेका छन् । दैलेख आठबिस नगरपालिकाका पुरुषलाई धारिलो हतियार खुकुरी प्रहार गरी घाइते बनाएको अभियोगमा सोही स्थानका प्रकाश माझिलाई प्रहरीले पक्राउ गरेको हो ।
सोही नगरपालिका राकम बजारमा माझिले खुकुरी प्रहार गर्दा ती पुरुष घाइते भएको सुचना आएलगत्तै ईलाका प्रहरी कार्यालय राकमबाट खटिएको प्रहरीले उनलाई पक्राउ गरेको जनाएको छ । घाइते पुरुषलाई उपचारको लागि सुर्खेततर्फ पठाइएको छ ।
स्याङजा आँधिखोला गाउँपालिका स्वारादीका महिला सहित २ जनालाई ढुङ्गा र लाठी प्रहार गरी कुटपिट गरेको अभियोगमा पर्बत कुशमा नगरपालिका आर्थर घर भएका सन्तोष बिकलाई गएराति प्रहरीले पक्राउ गरेको हो । मादक पदार्थ सेवन गरी बिक लगायतका ८ जना व्यक्तिहरुले २ जना मानिसहरुलाई कुटपिट गर्दा घाइते भएको खबर आएसँगै चिलाउनेबास स्याङ्जाबाट खटिएको प्रहरीले कुटपिटमा संलग्नमध्ये बिकलाई पक्राउ गरेको बताएको छ ।
कुटपिटबाट घाइते भएका दुबैजनालाई उपचारको लागि जिल्ला अस्पताल स्याङ्जा पठाएको छ । कुटपिटमा संलग्न रही फरार रहेका अन्य ७ जनाको प्रहरीले खोजी गरिरहेको छ । यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
