काठमाडौं, १९ असार । मुगा जस्तो देखिने माला सहित ३ जनालाई बिहीबार साँझ प्रहरीले पक्राउ गरेको छ । काठमाडौं महानगरपालिका स्वयम्भू भगवानपाँउस्थित सडकबाट ५७.१७ ग्राम बराबरको मुगा जस्तो देखिने माला ७ पिस सहित ३ जना पक्राउ परेका हुन् ।
पक्राउ पर्नेहरुमा काठमाडौं टोखा नगरपालिका गोंगबु बस्ने पर्वत मोदी गाउँपालिका घर भएका धनिराम पुन, टोखा नगरपालिका बस्ने सिन्धुपाल्चोक जुगल गाउँपालिका घर भएका दिपेन्द्र थापा र टोखा नगरपालिका बस्ने कन्चनपुर भिमदत्त नगरपालिका घर भएका राम बहादुर सिंह रहेका छन् ।
उक्त स्थानमा बहुमुल्य मुगाको कारोबार हुन लागिरहेको भन्ने बिशेष सूचनाको आधारमा महानगरीय प्रहरी वृत्त स्वयम्भूबाट खटिएको प्रहरीले शंकास्पद अवस्थामा उनीहरुलाई फेला पारी तलासी गर्दा उक्त परिमाणको माला फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
